അടുത്ത മൂന്ന് ദിവസത്തേക്ക് സംസ്ഥാനത്ത് പല ജില്ലകളിലും കനത്ത മഴയ്ക്കും ഇടിയോടുകൂടിയ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മലയോര ജില്ലകളിൽ ഓറഞ്ച് അലേർട്ട് പ്രഖ്യാപിച്ചിട്ടുണ്ട്.
മഴക്കാലത്ത് ഉരുൾപൊട്ടൽ ഭീഷണി നേരിടുന്ന പ്രദേശങ്ങളിലെ ജനങ്ങൾ ജാഗ്രത പാലിക്കണമെന്നും രാത്രിയാത്ര ഒഴിവാക്കണമെന്നും അധികൃതർ നിർദേശിച്ചു. നദീതീരങ്ങളിലും താഴ്ന്ന പ്രദേശങ്ങളിലും താമസിക്കുന്നവർ അടിയന്തര സഹായത്തിനുള്ള നമ്പറുകൾ കൈവശം സൂക്ഷിക്കണം.
മത്സ്യബന്ധനക്കാരോട് കടലിൽ പോകരുതെന്നും വിനോദസഞ്ചാരികളോട് മലയോര യാത്ര ഒഴിവാക്കാനും കാലാവസ്ഥാ വിജ്ഞാപനത്തിൽ പറയുന്നു.
